Familia unitate batean sartutako zergadunek bakoitzak bere banakako aitorpena aurkeztu edo baterako aitorpen bakarra aurkeztearen aldeko aukera egin ahal izango dute. Dena den, familia unitateko kide batek banaka aitortzen badu, familia unitateko gainerako kideek ere banaka egin beharko dute.
Familia unitatearen barruan dauden pertsonek elkarrekin tributatzea aukeratzen badute, batera aurkeztu beharko dute aitorpena, familia unitatea osatzen duten kide guztien errentak metatuz. Epe baterako aukeratutako hautua beranduago alda daiteke baina autolikidazio epea bukatu baino lehen beti ere.
Noiz komeni da bateratua edo banakakoa egitea?
Bateratua egitea komeni da: bi ezkontideetako batek ez badu lanik egiten, horrela, baterako tributazioaren murrizketaz balia daiteke, gutxieneko pertsonala galdu gabe; kideetako batek oso diru-sarrera txikiak jasotzen baditu, urtean 3.400 eurotik behera; errentarik jasotzen ez duten seme-alaba adingabeak dituzten guraso bakarreko familiak; seme-alabak dituzten izatezko bikoteak eta guraso dibortziatuak eta zaintza partekatua dutenak; seme-alabek lan egiten dutenean, baina 8.000 euro baino gutxiago irabazten dutenean, konpentsa daiteke seme-alaba familia-unitatean sartzea eta aitorpen indibiduala ez aurkeztea.
Banakakoa komeni da: Bi ezkontideek lan egiten dutenean eta 3.400 eurotik gorako diru-sarrerak dituztenean. Matematika erraza da hemen. Aitorpen bateratua egiteak 3.400 euroko murrizketa aplikatzea ahalbidetzen du, 5.500 euroko bi gutxieneko pertsonaletako bat galtzearen truke. Hipoteka bien izenean edukiz gero eta hipoteka horren bidez desgrabatzeko aukera izanez gero.
Hala ere adituek gomendatzen dutena da, bi motatako aitorpenak kalkulatzea, bai bateratua eta bai banakakoa, eta ondoren emaitza onena ematen duena aurkeztea.