Hernaniko Itaiak Txotx denboraldian zehar indarkeria matxistari aurre egiteko egitaraua azalerazi du. Horretarako ekintza ezberdinak antolatu dituzte martxoan zehar. «Emakume langileek jasaten dituzten eraso matxistez -eta, oro har, txotx denboraldiaren problematikaz- jendea kontzientzia nahiz sentsibiliza dadin, Hernani pankarta, kartel eta pegatinaz beteko dugu, eta horretarako martxoaren 12an, 17:00etan, lan eguna antolatu dugu».
Martxoaren 1ean Biterin, 18:00etan, Indarkeria matxistaren aurpegi berriak hitzaldia prestatu dute. Martxoaren 8an mobilizazioa egingo dute Emakume Langileen nazioarteko eguna dela eta. Martxoaren 16an Autodefentsa tailerra eskainiko dute, 10:00etan, Biterin. Bukatzeko, martxoaren 23an jaialdi bat antolatuko dute Kontrakantxa gaztetxean. Korrika 17:00etan pasako dela kontuan hartuta, 19:00etan hasiko da.