Datorren larunbatean, apirilaren 27an, eginen dute Garagardo Festa Goizuetan, laugarrenez. Umore Ona elkartean izanen da, 21:30etan hasita; eta bertan afaltzeko txartelak erosteko, gaurkoa da azkeneko eguna. Motzanen eta Amaia kafetegian daude salgai: menua edaririk gabe 16 euroan, eta lau garagardorekin 26 euroan. Honakoa izanen da menua: entsalada, saltxitxak, saiheskia, patata purea, postrea, kafea eta kopa. Gainera, Ainhoa Zabaleta musikari eta abeslariak girotuko du afaria.