Hernaniko pelotariek Gipuzkoako Txapelketaren bigarren jardunaldia jokatuko dute gaur etxean, kiroldegiko frontoian. Arratsaldeko 16:00etan hasita izango da, eta hiru partidu izango dira. Lehenengo, bigarren mailako kadeteetako Jon Jarak eta Unai Etxarrik jokatuko dute Tolosaren kontra. Gero, bigarren mailako jubenilen txanda izango da; Anartz Oiartzabal eta Oinatz Insaustik, Getariako Gure Txeru izango dute aurrez aurre. Eta bukatzeko, Unax Uitzi eta Mikel Lasa lehenengo mailako jubenilak Oiartzungo Oiarperen kontra lehiatuko dira.