Urumeako Kronika

Kronika logotipoa

Igandea2019ko iralak 15

Hernani

2019/09/11, asteazkena

Denboraldia hasteko prest pelotariak

Xabier Apaolaza, Manex Martin eta Oier Alegriak denboraldiko azken txapelak irabazi zituzten Donostian.
Xabier Apaolaza, Manex Martin eta Oier Alegriak denboraldiko azken txapelak irabazi zituzten Donostian.

Aurreko denboraldia amaitzearekin ia batera hasten da berria. Euskal Jaietako Torneoan, Trinitate Plazan, infantil eta kadeteetan nagusitu dira Manex Martin, Oier Alegria eta Xabier Apaolaza.

Udarako azken Torneoa amai­tu berri da, Euskal Jaie­ta­koa Donostiako Trinitate pla­zan, eta ia denborarik gabe aste honetan bertan hasiko da denboraldi berria Gipuzkoako Txapelketaren hasierarekin. 

Amaitu berri den den­bo­raldia ezin hobeto bukatu zu­ten hernaniarrek. In­fantiletan Manex Martin eta Oier Ale­griak txapela jantzi zuten Pa­gazpeko Zabaleta eta Irae­tari 18-4 irabazi ondoren. Kade­teetan Xabier Apaolazak ere, Alde Zaharreko Soron­dorekin batera, txapela jantzi zu­en Zapirain eta Naldaizen aurka. 

Denboraldian zehar hamar txapela eta hogei final jokatu dira.


Bederatzi talde eta 26 pelotari Gipuzkoakoan 

Eta asteburu honetan Gipuz­koako Txapelketari emango zaio hasiera, baina hau 2019-2020 denboraldiko lehenengoa da. Bederatzi bikotek eman dute izena CD. Hernani tal­detik. Bederatzi talde ariko dira eta 26 pelotari. Kadete­etan hiru talde eta sei pelotari, jubeniletan sei pelotari eta bi talde eta senior edo nagu­sietan lau talde eta hamaika pelotari. Maila altua dago txa­pelketan eta helburu na­gusia ahalik eta talde gehien Euskal Herriko txapelketara sailka­tzea da.