Aurredenboraldian murgilduta daude dagoeneko CD Hernaniko futbol saileko talde asko. Entrenamendu horien barruan, hasiak dira lagunartekoekin. Asteburu honetan lau jokatuko dituzte. Hiru kanpoan izango dira: Ohorezko Erregional mailakoek, Mutrikun, 12:00etan; Jubenil Liga Nazionalekoek Marcillaren kontra, 12:00etan Nafarroan; eta Ohorezko Jubenilek Oiartzunen kontra, haien zelaian, arratsaldeko 18:00etan. Eta beste bat, Zubipen: Erregional Preferenteena; goizeko 11:30etan hasita, Euskaldunaren kontra.