Aurredenboraldiarekin batera, aurreko astean izan zituzten aurreneko lagunartekoak CD Hernaniko mutilek. Oraingo honetan ere, beste lau lagunarteko jokatuko dituzte bihar. Horietako bat Zubipen izango da, Erregional Preferenteena; goizeko 11:30etan hasita, Euskaldunaren kontra neurtuko dituzte indarrak. Gainontzeko hirurak, aldiz, kanpoan jokatuko dituzte. Ohorezko Erregional mailakoek, Mutrikun, 12:00etan; Jubenil Liga Nazionalekoek Marcillaren kontra, 12:00etan Nafarroan; eta Ohorezko Jubenilek Oiartzunen kontra, haien zelaian, arratsaldeko 18:00etan.