Gaur ospatuko du Xalaparta elkarteak 38garren urteurrena. Bazkarian bertan, Aitor Gorrotxategi Iraola bazkideari egingo diote omenaldia kirol arloan lortutako garaipenengatik.
Egitarauean hainbat puntu zehaztu dituzte Xalapartakoek: Aitor Gorrotxategiren etorrera 14:15etan eta ondoren, bazkariaren hasiera. Jarraian mus txapelketako sariak banatuko dituzte 17:15etan, eta bukatzeko Gorrotxategi omenduko dute, 17:30etan.
Gorrotxategi, munduko pelota txapelduna
Hernaniarrak 2018an lortu zuen Bartzelonan Munduko Pelota Txapeldunaren garaipena eta elkarteak omenaldi berezia egin nahi izan dio egindako ibilbideagatik.
Pelotaria Xalapartako bazkide ere bada eta horregatik, elkartera bertaratuko dira pelotazale eta gainontzeko bazkideak, omenaldian parte hartzeko.
Bestalde, Gorrotxategik Hernani Kirol Saria irabaz dezake; datorren astean jakingo da.