Urumeako Kronika

Kronika logotipoa

Osteguna2019ko iralak 19

Hernani Astigarraga

2019/06/11, asteartea

Astigarraga Herriarteko finalerdietara sailkatu da

Ostiralean jokatu zuen Hernanik kiroldegian.
Ostiralean jokatu zuen Hernanik kiroldegian.

Finalaurdenetan Zestoa 4-2 garaitu eta gero Ataun izango dute aurkari astigartarrek eta finalerako aukerak dituzte.

AStigarraga Herriarteko Txa­pelketan ibilbide bikaina ari da egiten eta finalerdietan dago jadanik. Finalaurdenetan Zes­toa kanporatu du 4-2ko emai­tzarekin. Joanekoan 2-1 irabazi zuten eta abantaila horrekin bidaiatu zuten Zes­toara. Buel­takoan ere emai­tza berdina errepikatu zen, 1-2 oraingoan, Asti­garragaren alde eta finaletik pauso batera geratu dira. Astigarragan gertatu bezala kadeteek eta nagusiek irabazi zituzten beraien partiduak eta jubenilek galdu egin zuten. Ondorengoak izan ziren emai­tzak: kadeteak 22-4 jubenilak 10-22 eta nagusiak 22-11.

Orain finalerdiak Ataunen aurka jokatuko dituzte eta fina­lera iristeko aukerak di­tuzte. Ataundarrek Tolosa kanporatu dute tanteoarengatik. Hiruna berdindu zuten, baina asko sufritu zuten bueltakoan eta gertu izan zuten buelta to­lo­sarrek. 


Azpeitiak Hernani kanporatu du finalaurdenetan

Beste finalerdia Azkoitiak eta Azpeitiak jokatuko dute. Azpei­tiarrak izan dira hain zuzen Hernani kanporatu dutenak. Inongo aukerarik ez zuten eman azpeitiarrek eta 6-0 irabazi zuten kanporaketa. Osti­raleko partiduak; 5-22 kadeteetan, 16-22 jubeniletan eta 19-22 nagusietan galdu zituen Her­na­nik. 

Asteburuan ere Hernaniko pilota eskolaren txapelketako finalerdiak jokatu ziren maila desberdinetan.