Urumeako Kronika

Kronika logotipoa

Osteguna2019ko ekainak 27

Hernani

2019/06/10, astelehena

Esperotakoa, Tilos 7 Pasako finaletan

Lau mailetako 8 finalistak, irabazleak txapela jantzita. Argazki guztiak: www.kronika.eus
Lau mailetako 8 finalistak, irabazleak txapela jantzita. Argazki guztiak: www.kronika.eus

Iaz galdutako txapela berreskuratu zuen Zubimendik, Ramosekin, eta Urdangarin eta Balerdik errepikatu egin zuten. Tiloseta bete egin zen.

Emozio eta afiziorik ez zen falta izan larunbat arratsaldean Tilosetan. Bete egin zen zen­bait momentutan fronto­ia, eta gogor jokatu zuten finalista guztiek Tilos 7 Pa­sa­ko Txa­pela jantzeko. Baina, azkenean, sorpresa gutxi izan zen.

Aurreneko mailan, Aiheko Zubimendik iaz galdutako txa­pela berreskuratu zuen, orain­goan Endika Ramosekin jokatuta; 22-17 irabazi zieten Zabala eta Undari.

Nesken mailan, berriz, Ga­razi Urdangarin eta Ekhiñe Ba­lerdik bigarrenez jantzi zu­ten txapela, iaz bezala, berriro ere Urien eta Otaegiri irabazita; oraingoan, 22 eta 13.

Bigarren mailako finalean, partidu berdindua espero zen, eta azkenean, 22 eta 14, Josu eta Alex gailendu zitzaizkien Legarreta eta Olazabali.

Azken partidua maila he­rri­koieko finala izan zen, eta beteranoak izan ziren gazteen aurrean nagusi; Bidegain eta Izoztegik irabazi zieten 22 eta 16, Garmendia eta Elo­se­gi­ri.

Sariak banatuta, iluntzean bukatu zuten eguna.