Gipuzkoako 100 bat txirrindulari gaztek hartu zuten parte atzo, Hernaniko JOCC taldeak antolatutako Peña Otaño sarian: 60 inguruk infantil mailan, eta beste 40 batek alebinetan.
Hernaniarren artean, podiumera igo zen, bigarren postuan, Intza Navarro infantila, JOCC taldekoa. Astigartarren artean ere izan zen podiuma egin zuenik: alebinetan, hirugarren izan zen Herri Eskolako Aimar Capdequi. Alebinetan, era berean, Hernaniko klubeko partaideen artean azkarrenak ere saritu zituzten: nesketan, Ainhoa Rodriguez, Elizatxo ikastolakoa, eta mutiletan, Beñat Auzmendi Herri Eskolakoa.
Infantil nesketan, Zumaiako Garazi Bergara izan zen azkarrena, eta hirugarren, Malen Rodrigez, Irunesekoa. Mutiletan, berriz, Aierruko Lander Sanz, Iruneseko Gorka Fernandez eta Donosti Berriko Aimar Alarcia izan ziren bizkorrenak.
Alebinetan, Uxue Pola, Cristobal Gamonekoa, Intza Delteso Haurtzarokoa eta Irati Mitxelena Irandatzekoa izan ziren aurrenekoak nesketan, eta mutiletan, berriz, Zumaienako Asier Aizpuru eta, Lezoko Pello Munduate, lehen aipatutako Capdequi astigartarrak jarraituta.