beste txapelketa bati ekin zioten aurreko astean CD?Hernaniko emakume palistek. Paleta argentinarra modalitatean, Gipuzkoako Trinkete Txapelketa hasi zuten, eta gaur izango dute bigarren jardunaldia.
Goizeko 09:00etan hasita izango dira partiduak; denera, lau jokatuko dituzte hernaniarrek.
1go eta 2. mailan, herritarrak
Lehenengo eta bigarren mailan dabiltzan palistek izango dituzte partiduak. Aurrenekoa Iruran izango da; Maider Huizi eta Amaia Araiztegik jokatuko dute Su-Berri 1 taldearen kontra, goizeko 09:00etan.
Eta 10:00etan hasita izango dira gainontzekoak, Donostiako Gaska trinketean: bigarren mailan, Mirari Etxegia eta Ainhoa Urien (Hernani 1), Eli Gutierrez eta Eider Otaegiren (Hernani 2) kontra arituko dira; Ekhiñe Balerdi eta Garazi Urdangarin, Ramuntxo izango dute aurrez aurre; eta lehenengo mailan, Amaia Irazustabarrenak eta Ariane Arrietak Su-Berri 2ren kontra borrokatuko dute.