Nahikoa da Kaxkoan etxera iritsi nahi duten umeen ama edo aita izatea; hirugarren adinekoa izan eta etxetik atera edo bertara itzuli nahi izatea edo mugikortasun arazoak izatea; pilaketak ez gustatzea; zerbitzuetako udaltzaina izatea edo leiho irekiarekin lo egin nahi izatea, edo garbiketa makinak ikustea, konturatzeko Kaxkoan, txotx denboraldiko edozein larunbat gauean dagoen desordenaz.
Ez taberna batzuk, ez Berriak Ostalarien Elkarteak, ez Kaxko Bizilagun Elkarteak, ez udaltzainen kolektiboak zuzendaria gidari dutela, ez gobernatzen gaituzten politikoek alkatea gidari dutela, ez dute kontuan Hernaniko Kaxkoko bizilagunoi egiten zaigun kaltea. Gainera, ez daukate arazoa konpontzeko inolako asmorik.
Zaraten neurketek, indarrean dagoen araudia betetzeko egindako eskaerek edota EAJ-PNVk, zaratak gutxitzeko 2018ko urrian aurkeztutako mozioak (EH Bilduko 9 ordezkariek kontrako botoa eman zuten eta ez ziren proposatutako neurriak onartu), ez dute balio izan EH Bilduk arazoa ikusteko eta baztertu dituenak baino konponbide eraginkorragoak aurkeztu ditzan.
Hernani horrelakoa da, egungo agintariei, Kaxkoko bizilagunen bizi-kalitatea gutxi axola dien horiei, horrela izatea gustatzen zaielako, eta horixe da agintaldia bukatuta uzten digutena. Ez da arazoa ikusi ezina, baizik eta ikusi nahi eza.
Maria Ramos Hernandez eta Victor Jimenez Gonzalez