Estaturik gabeko herrialdeetako musikariekin Alboka, Hernanitik

Man uharteko, Frisiako, Es­ko­ziako eta Euskal Herriko mu­si­ka taldeak elkartuko ditu aur­ten Musika Bizian jaialdiak; Galdakaon egiten den estaturik gabeko herrialdeetako musika jaialdiak, hain zu­zen. Sei­ga­rren edizio hau urri­aren 25 eta 26an egingo da, Andra Mari Eusko Dantzari Taldeak antolatuta, eta euskal or­dezkaria izango da Herna­niko Alboka taldea. Doan da.

Kontzertuak, luthier azoka eta kale animazioa, doan

Jaialdia ostiralarekin hasiko da, Galdakaoko Iturrondo Pla­zan. Taberna Ibiltaria kale ani­mazio taldeak jarriko du giroa 19:00etan, eta kontzertuak 21:00etan hasiko dira. Bertan ariko dira Alboka taldea, eta Man irletako Mec Lir.

Larunbatean, artisau eta lu­­thier azoka jarriko da, 12:00e­tatik 14:00etara: Okzita­nia, Sardinia eta Galiziako mu­sika tresna tradizionalen fa­brikatzaileak elkartuko dira. Umeen tailerra ere izango da.

Arratsaldez, 19:00etan,  Ga­li­zia­ko Xistra Coruxo kale animazio taldea ariko da, eta 21:00etan kontzertuak izan­go dira: Frisiako Baldrs Drau­mar, Eskoziako Skipi­nnish eta Eus­kal Herriko Modus Operandi.