eguraldia lagun jende asko ibili zen Hernaniko kaleetan Euskal Jaiak ospatzen familia giroan. Baserriko lanak eta euskal tradizioak jarri zituzten erdigunean, herriko Kaxkoan izan ziren ekintzetan.
Izan ere, goizetik eguerdira, egon ziren abeltzain azoka, talo eta txakolin dastaketak, baserriko lanbideen erakustaldia, antzinako jokuak, edota herri kirolak. Arratsaldean, musika izan zen protagonista dantzaldia eta guzti.
Basoa dantza ikuskizunak emango dio amaiera
Gaur segiko du festak, Pablo Lasa artisau azokarekin zein Trikitixa Txapelketarekin. Bigarren egunean Sagardoa eta sagarra izango dira protagonista eta esku pelota eta pala partiduak ere egongo dira eguerdian.
Arratsaldez erromeria egongo da Jaiki Hadi taldearekin eta Euskal Jaia borobiltzeko Basoa Dantza ikuskizuna egongo da, Tilosetan.
EGITARAUA
GAUR, igandea
09:00, Diana, Txistulari Bandarekin.
10:00, XL. Pablo Lasa Artisau Azoka, Tilosetan.
11:00, Sagardo dastaketa, Plazan.
12:00, XXII. Trikitixa Txapelketa, Plazan.
12:00, Esku pelota eta pala partiduak, Tilosetan; euria eginez gero, kiroldegiko frontoian.
18:00, Erromeria, Jaiki Hadi taldearekin, Plaza Berrin; euria eginez gero, udaletxeko arkupeetan.
19:30, Dantzaz Konpainiaren Basoa dantza ikuskizuna, Tilosetan.