Gaur eta bihar ospatuko dituzte Euskal Jaiak, Hernanin; eta estreinako egunean, baserriko lanak eta euskal tradizioak jarriko dituzte erdigunean, herriko Kaxkoan izango diren ekintzetan. Izan ere, goizetik eguerdira, egongo dira abeltzain azoka, talo eta txakolin dastaketak, baserriko lanbideen erakustaldia, antzinako jokuak, edota herri kirolak.
Kalez Kale Kantarikoek eta erraldoi eta buruhaundiek ere egingo dute kale buelta eguerdian, Kaxkoa alaitzeko.
Arratsaldean, musika izango da protagonista: trikitilariak aurrena, Musika Bandaren kontzertua gero, eta Iratzar taldearekin dantzaldiak azkenik.
Eta bihar segiko du festak, Pablo Lasa artisau azokarekin zein Trikitixa Txapelketarekin.
EUSKAL JAIAK
GAUR, larunbata
10:00, Abeltzain azoka, Tilosetan.
11:00, Talo dastaketa, Iturriaga kalean.
11:00, Baserriko lanbideen erakustaldia, Tilosetan.
11:30, Antzinako jokuak, Tilosetan.
12:00, Txakolin dastaketa, Iturriaga kalean.
12:00, Kalez Kale Kantari, Plaza Berritik abiatuta.
12:30, Erraldoi eta buruhaundiak.
12:30, Herri kirolak, Tilosetan: Aynabel Davila eta Ekaitz Kortajarena pultsolariak; eta Xabier Orbegozo Arria V, Mikel Larrañaga, Axel Larrañaga eta Markel Zapiain aizkolariak.
16:30, Haurrentzako tailerrak, jolasak eta txokolatada, Tilosetan.
16:30, Trikitilariak, kalean zehar.
19:45, Hernaniko Musika Bandaren kontzertua, udaletxeko arkupeetan.
20:00, Iratzar taldearekin aurreneko dantzaldia, Tilosetan.
23:00, Iratzar taldearekin bigarren dantzaldia, Tilosetan.
BIHAR, igandea
09:00, Diana, Txistulari Bandarekin.
10:00, XL. Pablo Lasa Artisau Azoka, Tilosetan.
11:00, Sagardo dastaketa, Plazan.
12:00, XXII. Trikitixa Txapelketa, Plazan.
12:00, Esku pelota eta pala partiduak, Tilosetan; euria eginez gero, kiroldegiko frontoian.
18:00, Erromeria, Jaiki Hadi taldearekin, Plaza Berrin; euria eginez gero, udaletxeko arkupeetan.
19:30, Dantzaz Konpainiaren Basoa dantza ikuskizuna, Tilosetan.