Ekitaldi solidarioa antolatu dute datorren ostiralean, hilaren 20an, Orona Fundazioak eta Sindrome de Dravet Fundazioak. Monólogos por un sueño bakarrizketa saioa izango da, bost umoristaren eskutik: Sol Magunagoikoetxea, Maribel Salas, Gemma Martinez eta Iñigo Salinero.
Orona Ideo eraikineko auditorioan izango da, Galarretan, arratsaldeko 19:30etan hasita. Eta helburua da, laguntza biltzea, Dravet sindromeari sendabidea bilatzeko.
Sarrera, 15 euroko ekarpen solidarioa
Saioa ikusteko sarrera, 15 euroko ekarpen solidarioa izango da. Izan ere, bildutako diru guztia bideratuko da, Dravet sindromearen inguruko ikerketara. Internet bidez eskuratu daitezke sarrerak: monologos.retodravet.com.
Nahi duenak, 15 euro baino gehiagoko aportazioa egin dezake, eta hori ere bideratuko da, ikerketara. Dravet sindromeari buruzko informazio gehiago aurkitu daiteke, www.dravetfoundation.eu web orrian.
«Ezin duzue bakarrizketa saioa galdu! Barre algarak eta dibertsioa ziurtatuta daude!», animatu dute jendea.