Hernaniko koloreak da aurtengo ediziorako aukeratu duten izenburua udal egutegia osatzeko. 2020ko egutegia aurten ere «herritarren argazkiekin» osatuko dute egutegia, eta horiek bidaltzeko epea ireki dute dagoeneko. Urriaren 9ra arte izango da argazkiak bidaltzeko aukera.
Herritarrekin osatutako egutegia izango da, eta beraz, herritar orok izango du parte-hartzeko aukera. Dena den, hainbat baldintza ezarri dituzte horretarako: argazkiek Hernanin kokatuak izan behar dute; argazki bakoitzaren kokapena zehaztu behar da; izenburu bat izan behar dute; eta egileko gehienez 5 argazki aurkeztu ahal izango dira.
Oinarriak xehetasun osoz irakurtzeko, jo Udalaren web orrira: www.hernani.eus.
Irabazle bakoitzak 40 euro, saltokietan gastatzeko
Urriaren 24an iragarriko dira 13 irabazleak zeintzuk diren, hilabeteko argazki bat eta azalekoa, hain zuzen.
Irabazle bakoitzak 40 euroko balea jasoko du, Berriak merkatarien elkarteko saltokietan gastatzeko.
Hautatutako 13 argazkiak erakusgai egongo dira Biteri kultur etxean azaro eta abendua artean.
Jatorrizko lanak HHZn (Herritarren Harrera Zerbitzua) aurkeztuko dira sinadurarik gabe. Bi gutunazaletan: Gutunazal batean, argazkiak. Bigarren gutunazalean, paper batean idatzita, egilearen izena, helbidea eta telefonoa.