Orion dago Gure Zirkua, eta bertako artistak egun batzuetan atseden hartzen ari direnez, hernaniarrek hartuko dute lekua, larunbatean. Emanaldi berezi bat emango dute bertan, Joana Ortegak eta Sebi Ustarrozek osatutako Hego Haizea bikoteak, Ainara Ortega musikaria lagun dutela; Andoni Martinez de Ustaran mago argentinarrak; eta Bitartean folk musika taldeak, Haritz Ezeizak, Ixiar Jauregik, Garazi Navasek eta Sebi Ustarrozek osatua.
Sarrerak, Txilin salgai
Emanaldia larunbatean, 19:30etan hasiko da, eta bertan erosi ahal izango dira sarrerak. Baina, aurretik, Txili tabernan erosteko aukera ere izango da; 5 euroan haurrek, eta 10 euroan, helduek.
Hiru ataletako emanaldia izango da, musika argentinarra, euskalduna eta magia nahastuko dituena.
Diskoak, Open Arms laguntzeko
Bestalde, jakinarazi dute larunbatean musika diskoak salgai jarriko dituztela Gure Zirkuan bertan. Kasu honetan, baina, bildutako dirua Open Arms itsasontzia laguntzeko erabiliko da. Itsasontzi horrek 80tik gora lagun migratzaile jaso ditu, lehorrera eramateko asmoz.