Euskal presoen aldeko bizikleta itzulia antolatu da, gaur hasi eta igandera bitartean burutuz. 80 kilometroko ibilbidea, hiru etapatan egingo dute. Lehenengoa gaur izango da, Luhusotik Zarautzera; bigarrena bihar, Zarautzetik Lekeitiora; eta hirugarren etapa eta azkena etzi, Lekeition hasi eta Gernikan amaituko dena. Bakoitzaren esku dago partehartzea, etapak eginez, edota itzuli osoa burutuz. Etapa bakoitzeko 20 euro ordaindu behar dira, eta itzuli osoa egin nahi izanez gero 50 euro.
Itzuliko partehartzaileek bermatua izango dute jatekoa, edatekoa eta lo egiteko lekua. Bakoitzaren lo zakuak eta beste hainbat tresna, itzuliaren antolatzaileek beraiek eramango dituzte, furgonetan.
Parte hartzeko aukera gaur arratsaldean, Errekaldetik pasatzen direnean
Izena emateko epea, asteartean amaitu zen; baina hala ere, badago partehartzeko beste aukera bat ere. Gaur 16:45etan, Donostiako Okendo Plazatik aterako dira, eta 17:15etan Errekaldetik pasa. Nahi duenak, aukera izango du bertan, itzuliarekin bat egiteko.