Aste honetan, 8 eta 12 urteko haurrak, burmuinean daramaten irudimena lantzen ari dira, soka parkea landuz. Partehartzaileak 100 bat ume dira, eta arkitektura eta pedagogia uztartzen dituen Maus Haus enpresaren gidaritzapean ari dira. Laguntzaile lanetan ari dira, Udalekuak dinamizatzen dituzten bi taldeak: Kaxkardi Kirol Elkartea eta Kanika Aisialdi Taldea.
Erabaki Hernani 2017ko proposamena da
Hernaniarrek 2017ko aurrekontu partehartzaileetan erabakitako proposamenetako bat da hori, eta aurrera doa. Prozesu partehartzaile honen bitartez, sokadun parke baten ezaugarriak finkatzea da helburua, 8 urtetik gorakoek bertan eskalatu dezaten; noski, haur zaharragoen nahiak eta interesak kontutan hartuz.
Helburua da, prozesu partehartzaile baten bidez, sokadun parke baten ezaugarriak finkatzea.
Guztira, bost taldek osatutako proiektua da, egunero saio bat eginez, eta egun bakoitzean talde batek hartzen du parte. Saio bakoitzean, lehenik eta behin, sokadun parkearen kokaleku izan daitezkeen espazioak bisitatzen dituzte, eremu horretan sokadun parkea bisualizatuz. Ondoren, haibat parkeren ereduak ikusten dituzte, ideia ezberdinen ereduak bereganatzeko, nonbait. Behin eremuak eta espazioak bisualizatuta eta ideiak argi izanda, bakoitzak bere nahitik abiatuta talde diseinua egiten dute, eta beraien artean adostutako ideiak maketa batean plasmatzen dituzte, ondoren.
Talde guztien maketak amaituta daudenean, ez da irabazle bat aukeratuko. Talde guztien esfortzuarekin eta ideiekin egindako lanak bateratuko dira, eta maketa bakarra irudikatuko da.