Karmen festetan Kaxkoa jendez eta ekitaldiz bete zen atzokoan aurten eguraldia lagun izanda. Maitere Minerrek Manolo Adarraga Txokoloren eskutik jaso zuen alkate makila eta ekitaldi berean Joxan Ruiz, Arantzazu Miner, Joxe Leon eta Yolanda Castillo omendu zituzten. Sorpresa ere egon zen omenaldira Xaroben laguntzen egon ziren senideak elkartu zirenean. Maitere Minerrek eskerrak eman zituen Xaroben egon ziren 20 urtetan Kaxkoak izan zuen «harrera goxoarengatik. Ohore bat da niretzat alkate makila edukitzea. Urte osoan zehar zuen esanetara egongo naiz» adierazi zuen alkate berriak. Ondoren eta iluntzera arte egitarau zabala osatu zuten.