Alkoholiko Anonimoen fundazioaren urteurrenaren bueltan, hitzaldi irekia izango da gaur, 19:00etan Donostian, Anoeta estadioaren aurreko Carmelo ikastetxean. Bertan hartuko dute parte medikuntzako profesionalek, Alkoholiko Anonimoetako kideek eta Al-Anon, senide eta lagunen elkarteak. Era berean, Hernaniko alkoholiko anonimoen Santa Barbara elkarteak gogorarazi du Sandiusterrin zerbitzua ematen duela, behar dutenentzat. Informazioa: 943 33 11 03 (566 luzapena).