GAUR ere, hamabi ikuskizunez gozatzeko aukera izango da, Preludio Nagusian; tartean, betiko Mendirik Mendi eta San Joan Zortzikoa. Atzo, ostirala, izan zen Preludio txikia. Baina gaur, aipatu moduan, helduak izango dira oholtza gaineko protagonistak.
Alboka Folk taldea, omendua
Preludioan aurtengo gonbidatua, Alboka Folk Taldea izango da. Jadanik, 25 urte bete dituzte musika munduan, eta hainbat hernaniarrez osatutako taldea izanik, aukera bikaina ikusi dute, aurtengo Preludioaren parte izateko. Taldea, Juanjo Otxandorenak, Xabi San Sebastianek, Joxan Goikoetxeak eta Alain Griffinek osatzen dute; azken honek, aldiz, ezin izango du bertan egon, eta Iker Lopez arituko da, bere ordez. Lau abestitan hartuko dute parte: Fusilatu zituztenei, The 17th of July, Hi Celta eta Txipititxonian, hain zuzen.
Hamabi kantekin girotuko da gaurko gaua. Alboka taldearen eta ehundaka hernaniarren eskutik.
Alboka, taldearen izena, arrunta edo ohikoa badirudi ere, duela 25 urte ez zen hain erabilia, instrumentu hau ez baitzuen horrenbeste jendek jotzen. Hernanin gainera, gaur egun, pisu haundia duten instrumentuak dira, bai alboka, bai txalaparta, bai txistua, baita dultzaina ere, beste hainbaten artean. Albokako taldekideek, musika dibulgatiboa egiteaz gain, herri musikari nolabaiteko bultzadatxoa eman nahi izan diote. Eta aurten, aukera paregabea izango dute, gaur, Preludioaren parte izango baitira.
Alboka taldearen sorrera, nondik dator?
Kronikari azaldu ziotenez, gezurra badirudi ere, taldearen sorrera ostegun goizetako gosari musikatu batzuetatik dator. Albokako taldekideek, ohitura zuten, ostegun goizetan bildu, eta gosaltzen zuten bitartean, musikaz gozatzeko. Goizak eta goizak, igaro ostean, proiektu paralelo baten nahia sortu zitzaien, eta gaur egun, martxan dabilen, Alboka taldea sortu zuten. Taldekideek, hasieratik planteatu zuten, kantak beraiek sortu behar zituztela, euskal kutsua kendu gabe, modu tradizional batean. Hori dela-eta, errepertorioaren bi heren, kantutegitik jasotakoak dira, eta beste herena sorkuntza propioa eta berria izan da, euskal musikan inspiratuta, noski.
Aurtengoa, 26garrena
Alboka taldeak, beraz, aukera ezin hobea izango du, orain arte sortutakoa oholtza gainera eramateko. 25 urteetan zehar landutako euskal musika, modu tradizional batean aurkezteko, Preludio Nagusia bezalako ekitaldi batean, hain zuzen. Beste ehundaka hernaniar ere izango dira oholtza horren parte.
Aurtengo Preludio Nagusia ere, Ruth Martin zuzendaritza artistikopean, eta Xabier Zabala musika zuzendari moduan izango da.
Urtero bezala, Hernaniko Preludio Nagusia, Ruth Martinen zuzendaritza artistikopean eta Xabier Zabala musika zuzendari moduan izango da. Azken honek, ohikoa den bezala, Mendirik mendi eta San Joan abestiak ezik, gainontzeko doinuen, moldatzailea eta musika- koordintzailea izan da.
26.PRELUDIOA:
EGITARAUA
1. BOC ESPOK.
Egilea: Kepa Junkera.
Moldaketa: Xabier Zabala.
2. JOXEK ANDREARI.
Egilea: Korrontzi.
Moldaketa: Xabier Zabala.
3. fusilatu zituztenei.
ALBOKA taldea eta Preludioko taldeak.
Moldaketa: Xabier Zabala.
4. THE 17th OF JULY.
ALBOKA taldea eta Preludioko taldeak.
Moldaketa: Xabier Zabala.
5. SUGEGORRI.
Egilea: Pepito Yanci.
Moldaketa: Xabier Zabala
6. ZARAUTZ.
Egilea: Pepito Yanci.
Moldaketa: Xabier Zabala
7. LO EGIN.
Egilea: Itoiz.
Moldaketa: Xabier Zabala.
8. KALEJIRA PUPURRIA.
Egilea: Herrikoiak.
Moldaketa: Xabier Zabala.
9. HI CELTA
ALBOKA taldea eta Preludioko taldeak.
Moldaketa: Xabier Zabala.
10. TXIPITITXONIAN.
ALBOKA taldea eta Preludioko taldeak.
Moldaketa: Xabier Zabala.
11. MENDIRIK MENDI.
Egilea: J.A. Erauskin.
12. SAN JOAN ZORTZIKOA.
Egilea: Herrikoia.
Hitzak: M. Lekuona.
Moldaketa: Joxan Goikoetxea.