Urtero bezala aurten ere San Joanen bezperan Preludio Txikia ospatuko da Atsegindegin.
XXI. ekitaldi honetan hainbat talde egongo dira oholtza gainean. Hernani Musika Eskola Publikoko abesbatzak eta talde instrumentalak, Kantuz Musika Eskola, Ttarla Dantza Taldea, Inmakulada ikastetxea, Langile ikastola, Urumea ikastola eta Elizatxo ikastolako kideak.
Hamabost abestik osatuko dute Preludioa: Bake-Mina, Baztango Esku Dantza, Aldapeko, Mari and Kanaki, The Seventeenth of July, Ob-La-Di, Ob-La-Da, Havana, Seven Nation Army, Desberdintasuna, Baloreak, Bizigoza, Hernaniko Martxa, Mendirik Mendi, San Joan Zortzikoa eta Txipititxonian.
Preludio Handia larunbatean izango da 22:30etan Atsegindegin.
Jaiak balkoitik ikusteko izen-ematea, irekita
San Joanen hasiera eta bukaerako ekitaldiak udaletxeko balkoitik ikusteko aukera egongo da. Aurten hamabi leku zozketatuko dira eta Koxka elkartearekin adostuta, horietatik zortzi gurpildun aulkia behar dutenentzat gordeko dira.
Izena udaletxean eman daiteke hilaren 18ra arte, eta zozketa 20an egingo da, 12:00etan. Parte hartzeko Hernanin erroldatua eta 18 urtetik gorakoa izan behar da.
PRELUDIO TXIKIA
GAUR, ostirala 19:00etan Atsegindegin
Egitaraua: Bake-Mina, Baztango Esku Dantza, Aldapeko, Mari and Kanaki, The Seventeenth of July, Ob-La-Di Ob-La-Da, Havana, Seven Nation Army, Desberdintasuna, Baloreak, Bizigoza, Hernaniko Martxa, Mendirik Mendi, San Joan Zortzikoa, eta Txipititxonian.
Partehartzaileak: Hernani Musika Eskola Publikoko abesbatzak eta talde instrumentalak, Kantuz Musika Eskola, Ttarla Dantza Taldea, Inmakulada ikastetxea, Langile ikastola, Urumea ikastola eta Elizatxo ikastola.
Taldeen zuzendariak: Amaia Aldalur, Haritz Ezeiza, Maribel Insausti eta Garbiñe Orbegozo.