«Hurrengo aroari» helduko dio Hernaniko Gure Eskuk, eta hasiera emateko, gaur jarri du zita, arratsaldeko 19:00etatik aurrera, Biterin: Erreferenduma egizu posible izenburupean, solasaldia antolatu du.
Izan ere, «Erreferendum lotesle bat gauzatzea» aldarrikatuko du Gure Eskuk, aro berri honetan, «herritarrekin eta Herri Ekimenaren bitartez».
Gaurko solasaldian, parte hartuko dute Luke Uribe-Etxebarriak, Ramon Zallok eta Rafa Diezek. Irati Elizaldek aurkeztuko du, eta aldibereko itzulpen zerbitzua ere izango da.
Hernaniko Gure Eskuk aurreratu du, gainera, bertan jakinaraziko dituela, emango dituen hurrengo pausoak. Bazkide kanpaina bat ere jarriko dute martxan.