Airearen kalitatearekin kezkatuta dagoen Hernanin Aire Garbia plataformak beste jarduera bat antolatu du gaurko. Ainhoa Zaldua Lopezek moderatuta eta Gure osasunean kutsadurak duen eragina izenburupean mahai-ingurua egingo dute, herritarren zalantzak argitzeko asmoz.
Arratsaldeko 19:00etan hasita izango da, Biterin.
Hiru aditu, mahaiaren bueltan
Osasuna eta kutsaduraren arteko eraginaz aritzeko, hiru aditu gonbidatu ditu Hernanin Aire Garbia plataformak.?
Aitana Lertxundi Manterola, Ingurumenean lizentziatua eta doktorea, medikuntza fakultatean irakasle, eta ingurumen epidemiologian eta Biodonostian haurren garapenean ikertzailea. Jesus Mari Ibarluzea Maurolagoitia, Biologian eta psikologian lizentziatua, osasun publikoan doktorea eta UPV/EHUren laguntzaile eta Biodonostian ikertzailea. Eta Marcos Tolosa Oyarbide, Osakidetzako psikiatria zerbitzuko buru ohia eta EHUko pertsonalitatearen oinarri biologikoen irakasle ohia.
Zalantzak argitzen jarraitzea, helburu
Halako ekimenekin, urte hauetan guztietan «kutsatutako airea arnasteak zer nolako ondorioak dituen jakin nahi dugu, eta batez ere, nola eragiten dien haurrei eta bereziki sentikorrak diren pertsonei», azaldu dute Hernanin Aire Garbia plataformako kideek.