Oraindela 40 urtetik Abaigarren, Nafarroan, euskaraz bizitzeko aukera eskaintzen duten udalekuak antolatzen dabiltza. Azken hiru urteetan etxearen erabilera mugatua egon da, berritze lan potolo batean murgilduta egon direlako, eta ondorioz, ezinezkoa izan da bertan udalekuak antolatzea. Eraberritze prozesua ondo bidean doa eta aurtengo udan, uztaila eta abuztu bitartean, 240 gazte baino gehiago bertan elkartu eta berriro etxera bueltatu ahal izatea guzti horren emaitza izango delarik.
Sukaldea eta litera berriak erosi behar dituzte
Proiektuak ordea, 250 000 eurotik gorako kostu ekonomiko haundia suposatu du. Mailegu bat eskatu duten arren, eta obra aurrera dihoan arren, txandak behar bezala hasteko, sukalde eta litera berriak erostea ezinbestekoa dute, eta horretarako, behar dute laguntza.
Ekarpen ekonomikoak maitzaren 23ra arte
Crowdfundign kanpaina jarri dute abian aipatutako helburuak lortzeko. Ekarpen ekonomikoak egiteko epea maiatzaren 23an amaituko da. Norbanako, elkarte nahiz kolektibo orok jarri dezake bere aletxoa. Bakoitzak nahi adina diru jarri dezakeen arren, orientagarriak izan daitezkeen zifra batzuk jarri dituzte: 15 euro, 30 euro, 60 euro, 120 euro eta 300 euro.
Horretarako, Itsulapikoa, Euskal Herriko Crowdfunding plataforma erabiliko dute. Arduradunekin harremanetan jartzeko idatzi mezu bat abaigarudalekuak@gmail.com helbidera. «Lortuko dugu denon artean» diote.