OSTIRAL Santu eguna da gaur eta beraz gurutz bidea egiteko eguna. Herri askotan egiten dira, baita Urumea bailarako hainbatetan ere.
Honela, Hernanin goizeko 08:30etan irtengo dira Santa Barbara bidean eta Astigarragan Andre Maria elizaren inguruan egingo dute 10:00etan. 08:00etan penitentziako sakramentuaren eginkizuna egongo da Goizuetan eta 09:00etan Ereñotzuko San Antonio elizan.
Arratsaldean, berriz, Jaunaren heriotzaren ospakizunak izango dira: Hernaniko hiru elizetan, 17:30etan Agustinetan, 18:30etan San Joan Bataiatzailean eta 19:30etan San Jose Langilean; Ereñotzun 18:00etan; Astigarragako Andre Marian 18:30etan; eta Goizuetan 19:00etan.
Bihar Larunbat Santua, Pazko Gaubeila
Larunbat Santuan pazko gaubeila ospatzen da, urteko ospakizun garrantzitsuena. Ereñotzun 19:00etan, Hernanin 20:00etan, Astigarragan 21:00etan eta Goizuetan 23:00etan. Floridan eta Agustinetan ez da ospakizunik izango eta Astigarragan apaiz gabeko ospakizuna kapelan ere ez.