Gaurtik datorren astelehenera, egunero izango dira Aste Santuko elizkizunak, Urumea bailaran. Gaurkoan, Goizuetan izango dira bi meza, penitentziako sakramentuaren eginkizunak, 18:00etan eta 21:00etan. Eta horiek egingo diete bidea, bihar, Ostegun Santu egunez, bailara osoan izango diren mezei.
Goizuetan bertan, bi izango dira: 08:00etan aurrena, eta azken afarikoa gero, arratsaldeko 19:00etan.
Hernanin, berriz, Jaunaren afariko hiru meza izango dira: 17:30etan Agustinetan, 19:30etan San Jose Langilean, eta 20:00etan San Joan Bataiatzailean. Ereñotzuko San Antonio elizan, 18:00etan egingo dute.
Eta Astigarragan, azkenik, 18:00etan egingo dute Jaunaren afariko meza, Andre Maria elizan.