Musika izango da protagonista, gaur ere, Kontrakantxa gaztetxean. Ibaeta Martxan jaialdia antolatu dute, hiru kontzerturekin, gaueko 22:00etan hasita. Horrela, joko dute hiru musika taldek: Kimikari taldeak aurrena, Ziahkus talde gasteiztarrak ondoren, eta Tolosaldea eta Goierriko Estarlus taldeak azkenik.
Horien ondoren, hala ere, izango da dantzan jarraitzeko aukera. Izan ere, saioa eskainiko du DJ USB disko jartzaileak, kontzertuak bukatutzean.
Plataforma komunikatibo bat da Ibaeta Martxan, EHUk Donostiako Ibaetan daukan kanpuseko ikasleek sortutakoa. «Ibaetako kanpuseko ikasleon hitza» izan nahi du; «gure fakultateko ekintzen berri izateko plataforma». Horretarako, sare sozialak baliatzen dituzte: Facebook eta Twitter orrialdea dauka plataformak.
Bere proiektu komunikatiboaren berri emateko, jaialdia antolatzen du urtero, eta Kontrakantxa gaztetxean antolatu dute aurtengoa.