Hernanin egingo dituzte aurten, Gipuzkoako Gaztetxe eta Gazte Asanbladen Topaketak. Eta asteburu honetan bertan izango dira, Kontrakantxa gaztetxean, ostiraletik igandera bitarteko egitarauarekin.
Igande arratsaldean elkartu ziren, Kontrakantxan bertan, Gipuzkoako hainbat herritako gaztetxeetako kideak, topaketen nondik norakoak azaldu eta Kontrakantxa auzolanean txukuntzeko. Bertan jakinarazi zuten topaketen leloa ere: Hamaika haritatik soka berari tiraka. Hori baita bilatzen dutena, «herrialde mailan gaztetxeak saretzen hastea».
Azaldu zuten, «antolakuntza markoa zabaltzea» lortu dutela aurten, eta gaztetxe eta gazte asanblada ugarik hartu dutela parte, prozesuan: «elkarrekin saretzeko dugun behar nabariaren ondorio argia da».
Topaketak, eztabaida eta erronketan sakontzeko tresna
Aurreratu dute, topaketak aukera bikaina izango direla, anitzak diren errealitateak konpartitu, proposamen berriak jaso, eztabaidatu eta elkar ezagutzeko: «eztabaida eta erronketan sakontzeko tresna izango dira, eta aukera emango digute, herriz herri garatzen ari diren proiektuak ezagutzeko», nabarmendu dute.
GIPUZKOAKO GAZTETXE ETA GAZTE ASANBLADEN TOPAKETAK
MARTXOAK 22, ostirala
18:00, Mahai ingurua: Gaztetxeak saretzen, zenbait eskualdetako esperientzietatik ikasten.
21:00, Afaria. Ondoren, gaztetxeen arteko bertso saio irekia.
MARTXOAK 23, larunbata
09:00, Gosaria.
10:00-12:00, Autogestioa.
12:00-14:00, Okupazioa eta Faxismoa XXI. mendean.
14:30, Bazkaria.
15:30-17:30, Segurtasun tailerra, Etorkinen auzia, eta Erasoak eta harremanak militantzian.
19:00, Manifestazioa: Gaztetxeak saretu, autodefentsa antolatu.
21:00, Afaria.
22:00, Kontzertuak: Starlus, Eztanda, eta Bake Faltsua.
MARTXOAK 24, igandea
10:00, Gosaria.
11:00, Auzolana.