Martxoaren 22, 23 eta 24an Gipuzkoako Gaztetxe eta Gazte Asanbladen Topaketak egingo dira Hernaniko Kontrakantxa Gaztetxean. Ostiralarekin, mahai-ingurua egingo da 18:00etan, hainbat gaztetxe ezagutzeko, eta afaria eta bertso saio irekia izango dira 21:00etan. Larunbatean 09:00etan gosaldu, eta hainbat gai landuko dituzte: autogestioa, okupazioa, segurtasun tailerra, faxismoa XXI. mendean..., eta eguna kontzertuekin borobilduko dute. Igandean gosaria eta auzo lana egingo dira, bukatzeko.