Berdintasun IV ikerketaren bekaren aukezpena egingo du Amaia Rodriguez Oñatibia bekadunak martxoaren 26an, 18:30etan Biteri kultur etxean. Rodriguezek eskuratu du beka Biziraupenerako zaintza. Hernaniko inudeak 1900-1944 ikerketa lana burutzeko.
Ikerketa liburuaren aurkezpena egingo da martxoaren 26an. Amaia Rodriguezek azaldu duenez, «Hernaniko kasua aztertu dugu Hernaniko Udaleko Berdintasun Sailaren beka bati esker», eta otsailaren 24an Argia aldizkarian argitaratu ziren ikerlanaren zertzelada batzuk: «Inude hitza entzutean, XIX. mendean hirietan familia aberatsen haurrak zaintzen zituzten emakumeak etorri ohi zaizkigu gogora. Urtero oroitzen ditugu gure kaleetan dotore jantzitako emakume haiek. Errealitatea baina, jai giroan irudikatzen duguna baino askoz konplexuagoa zen». Hori eta gehiago azalduko du Rodriguezek aurkezpenean, baita liburuan ere.
Bertan, irakurri ahal izango da errealitatea nolakoa zen.