Urumeako Kronika

Kronika logotipoa

Asteartea2019ko maiatzak 21

Hernani
Prentsa-Oharra EH Bildu

2018/10/11, osteguna

Autobus-zerbitzuetan «sekulako murrizketak» salatu ditu EH Bilduk

Azaldu dutenez, urtarriletik aurrera ezarriko dira aldaketak: «herritarren interesak, interes ekonomikoen gainetik jarri behar dira», gogorarazi dute.

Irailaren 27an argitaratu zu­en Foru Aldundiak Burun­tzal­deako autobus-zerbitzuaren esleipen-deialdia. Bertan, Her­naniko EH Bilduk salatu duenez, «sekulako murrizketak» egin dituzte, «EAJ-PNV eta PSE-PSOE beraien eskuineko politika atzerakoiarekin te­ma­tu» ondoren.

Urtarriletik aurrera, martxan
Alderdi abertzaleak dio «zen­tzugabekeria» dela urtarriletik aurrera martxan jarriko dutena; eta salatu egin du «basakeria hau». Eta adibideak jarri dituzte: «G1 autobusean (Aie­te­koa, hain zuzen ere), astegunetan zerbitzua %40a murrizten dute. Hau da, autobusen maiztasuna gaur egun 15 mi­nuturokoa bada, ordu gehienetan 30 mi­nu­turokoa izatera pasako da».

Asteburutan, egoera «larri­a­goa» izango dela diote: «la­run­batetan [...] murrizketa %50ekoa da». Eta igandeetan, «zerbitzua %30ean gutxitu nahi dute, eta goizeko 12:00ak arte autobus bakarra izango da, orduko». Andoaingo autobusean egoera «antzekoa» izango dela diote.

Zerbitzu publikoa
EAJ-PNV eta PSE-EEri gogorarazi diete «zerbitzu publiko bati buruz ari garela eta beraz, herritarren interesak, interes ekonomikoen gainetik jarri behar direla».
Eta jarraitu dute: «zerbitzu publikoak murrizteak, autobusak murrizteak, premia haun­­diena  dituzten herritarrak kal­­te­tzen ditu». Europara begira ere jarri dira: «garraio pu­blikoa bermatu eta hobetu behar da. Garraio publikoaren aldeko apustua egiten ari da Europa osoa; hori da bidea, eta ez PSOEk eta EAJ-PNVk hartu dutena».
EH Bilduk dio «ahalegin guztia» egingo dutela «mu­rrizketa hauek salatzeko, eta geldiarazteko».

Mobilizazioak, goraipatu
Era berean, «eskertu eta goraipatu» egin dituzte azken hilabetetan langile, erabiltzaile eta herritarrek egindako mobilizazioak.