Aurreko astean eman zuen Asegarce enpresak jakitera, Aimar Olaizola, Olaizola IIa pilotaria ez dela Lau eta Erdiko txapelketan izanen. Izan ere, ezkerreko hankako lesioaren errekuperazioa ezin hobea izaten ari den arren, lehiara ez litzateke baldintza egokian iritsiko.
Bikotekakora iristea, helburu
Asegarceri adierazi zionez, oso pozik dago izaten ari den eboluzioarekin: «baina txapelketa hau oso zorrotza da, eta pena ematen didan arren, nahiago dut zaindu Bikotekakora bermearekin iritsi ahal izateko».
Dena den, behin behineko geldialdia izanen dela adierazi du: «gertaera honek ez du esan nahi txapelketa honen hurrengo edizioetan parte hartuko ez dudanik».