Aurreko larunbatean jokatu zuten Goizuetan, Umore Onak antolatuta, Pilota Gozo Txapelketa Azkarra. Eta azkeneko urteetako partehartzerik haundiena izan zuen torneoak, bederatzi bikote aritu baitziren.
Horietatik, bertakoak ziren ia denak, zortzi bikote; eta beste bat kanpotik etorritakoa. Eta sari guztiak, etxean geratu ziren. Izan ere, Oier Apezetxeak eta Mikel Perurena goizuetarrek irabazi zuten, finalean Jon Zabaleta eta Ekaitz Narbarte herrikideei gailenduta.
Eta hirugarren posturako lehian, Mikel eta Iñaki kanpokoak aritu baziren ere, garaipena lortu zuten Aitor Aizkorbe eta Martin Etxeberria goizuetarrek. Beraiek jaso zuten hirugarrenaren saria, beraz.
Partiduak arratsalde osoan zehar jokatu ziren, eta guztira, lau ordu eta erdi iraun zuen txapelketak. Frontoia beteta egon zen, ia uneoro, giro ederrarekin. Gainera, pilotari bakoitzak izan zuen bere animatzaile taldea: zaleak, familiakoak edota lagunak aritu ziren, animoak ematen.