Ezin izan zion garaipen batekin ekin, Promozio Txapelketari, Aritz Zubiri erremontista goizuetarrak. Azpirozekin batera, galdu egin zuen estreinakoa... azkeneko tantoan. 34-35 nagusitu zitzaizkien Etxarri eta Agirrezabala. Azkeneko tanto hori izan zen, hain justu, pelotakada gehien izan zituena.
Partiduan zehar, kontrarioak izan ziren aurretik, sei tantoren aldearekin zenbaitetan, 25-31 jartzeraino. Baina orduan eman zioten buelta, 33-33 berdintzeko aurrena, eta 34-34 gero. Baina ez zuten jaso azkenean, lanaren saria.