Hiru partidu jokatuko dituzte asteburu honetan, esku pilotari goizuetarrek. Bi txapelketatan ariko dira: Añorgako Jose Manuel Iribar txapelketan, eta Nafar Jokoetan.
Oihan Legarreta eta Egoitz Elizegi infantilek jokatuko dute Añorgan, gaur 15:30etan hasita, Manterola eta Martin hernaniarren kontra.
Eta gaur jokatuko dituzte, Nafar Jokoetako bi partiduak ere: Auzan ariko dira Anartz Lujanbio eta Xanet Apezetxea alebinak, 11:00etan, Ariztegi anaien kontra; eta Villavan Josu Alsua eta Martin Garmendia benjaminak, 11:30etan, Urabayen eta Olcozen kontra.
Ostegunean jokatu zituzten, benjaminen bi partidu: Adur Sagarduik eta Axel Salaberriak 18-5 irabazi zieten Jimenez eta Garateari; eta Mikel Zurutuzak eta Alize Sagarduik 15-18 galdu zuten, Ruiz de Larrinaga eta Merinoren kontra.