Asteburu lasaia dute esku pilotari goizuetarrek, eta atseden hartuko dute gehienek. Are gehiago, Xanet Apezetxea alebinak bakarrik jokatuko du.
Bihar ariko da Apezetxea, Tafallan, Oberena taldeko Zulaikarekin bikotea osatuz. Goizeko 10:00etan hasita, aurreneko partidua izango da beraiena, Tafallako torneoko aurreneko kanporaketakoa.
Datorren asteburuan, aldiz, Nafar Jokoen hirugarren fasea hasiko dute goizuetarrek, eta bost bikote ariko dira: benjaminetan, Mikel Zurutuza eta Alize Sagardui, Josu Alsua eta Mattin Garmendia, eta Adur Sagardui eta Axel Salaberria; alebinetan, Anartz Lujanbio eta Xanet Apezetxea; eta infantiletan, Oihan Legarreta eta Egoitz Elizegi.