Etxe guztiak aztertu eta baloratu ondotik, epaimahaikideek Bergara-Enea etxea izendatu zuten, joan den larunbatean, 2019ko Udakolore Balkoi Lehiaketaren irabazle. Lehia estua izan zela nabarmendu dute, eta zoriondu dituzte Juantxo-Juli eta Antton-Gloria. Haiek eskuratu dute 150 euroko saria, herriko komertzioetan gastatzeko. Balkoi lehiaketarekin, eta herritarren partehartzeari esker, herriaren itxura hobetzen dela azpimarratu dute, goizuetarrek zein turistek ingurune atsegin eta ederraz goza dezaten.