GAUR etorkinen eguna izanen dute Gozuetan, bigarren aldiz. Aurreko urtean, giro aparta egon zen, bazkari baten bueltan elkartu ziren, lehenengo aldiz, Goizuetan, etorkinen eguna egin baitzuten. Hori dela eta, ohitura bilakatu nahi dute egun berezi hau, eta aurten bigarren saioari ekingo diote.
Giro ezin hobea gaur, bigarrenez
Giro ezin hobea izango da egun osoan zehar, ziurtatu dutenez. Bazkari aurreko poteoarekin hasiko dute eguna. Ondoren, bazkaria dator, eta bertan norbere istorio eta anekdotak kontatuko ditu. Aurreko urtean bezala, musikarik eta dantzarik ez da faltako. Goizuetako kanpotarrek, argi utzi dute gozatzeko eta elkar gehiago ezagutzeko eguna dela.
Aurtengo gonbitea ere, umore eta ironia puntu batekin luzatu nahi izan dute: «Nahiz eta korrontea kontra izan... babestuta gaude xapoen portuan!».