Goizueta, Arano, Areso, Ezkurra eta Leitzako haur, guraso eta irakasleek bat egin dezaten, XX. Topaketa eginen da Goizuetan, gaur zortzi. Egitarau zabala antolatu dute horretarako, goizeko 11:00ak eta arratsaldeko 18:00ak artean burutuko dutena. Musika, jokoak eta tailerrak, bazkaria, merienda... denetarik izanen da. Urtero bezala, berdintasuna, laguntasuna eta festa giroa izanen dira nagusi.