Urumeako Kronika

Kronika logotipoa

Larunbata2019ko martxoak 23

Goizueta

2019/03/09, larunbata

Urteko azken zita mozorroek gaur, Kontuen Egunarekin

Poteo musikatua 13:00ean eginen da, eta ondoren, mozorroen bazkaria eta Igandea txarangarekin arratsalde pasa izanen dira.

Bereziak izaten ari dira aurtengo Inauteriak Goizuetan, eta gaurkoan borobilduko dute guztia, Kontuen Egunarekin.

Elkartzeko hitzordua eguerdiko 13:00etarako egin dute; poteo-musikatua eginen dute, Igandea Txarangarekin. On­do­ren, 14:00etan, bazkaritara ese­­riko dira mozorroak. Eta arratsaldean, 17:30etatik au­rrera, arratsalde pasa ederra egi­nen dute, berriro ere Igan­dea Txarangak girotuta. 


Emozioa nagusi

Momentu zailak pasa dituzte goizuetarrek azken bi aste hauetan, suteak medio, baina argi dago ez dutela ez irribarrerik, ez eta umore onik galdu, Inauteriak nola pasa dituzten begiratuz gero.

Horrela, umeen egunean gaz­tetxoenek izan zuten protagonismoa, bai zahagi dantzan, eta baita bestelako mozorroekin ere. Igandean, berriz, bikingoek hartu zuten herria, eta bitartean, mozorroak baserriz baserri ibili ziren saltsa jartzen, iluntzean herrira jaitsi arte.

Hain zuzen, mozorro eta zahagi dantzarien jarraitzaileen artean ere izan da emoziorako tartea, asteartean. Izan ere, 25 urte bete dira aurten, aurrenekoz emakumeak dan­tzan atera zirela, eta aurten aurrenekoz, zahagia emakumezkoa izan da. Garazi Loiarte Villarrek bete du papera. 

Urteko azken zita mozorroek gaur, Kontuen Egunarekin
Urteko azken zita mozorroek gaur, Kontuen Egunarekin
Urteko azken zita mozorroek gaur, Kontuen Egunarekin
Urteko azken zita mozorroek gaur, Kontuen Egunarekin