Astigarragako Mundarroko futboleko taldeek ere asteburu honetan hasiko dute liga. Bost partidu jokatuko dituzte; horietatik lau gaur izango dira, eta beste bat, aldiz, bihar.
Gorengoen mailakoek zita, gaur
Besteak beste, gorengoen mailako taldeak hasiko du liga asteburu honetan. Arratsaldeko 15:45etan hasita izango da lehia, Deusto taldearen kontra, Zubietan.
Hiru partidu, Zarkumendegin
Kanpoan bakarrik ez, etxean ere, Zarkumendegin, nabaria izango da denboraldiari ekin zaiola, bertan jokatuko baitira hiru partidu.
Gaur, bi: lehen mailako kadeteena, Euskaldunaren kontra, 11:30etan; eta ohorezko jubenilena, Real Unionen kontra, 15:30etan. Eta bakarra, bihar: lehenengo mailako erregionalena, Zarautzen kontra, 12:00etan.
Beste bi zita, kanpoan
Lehenengo mailako jubenilak eta ohorezko kadeteak ere hasiko dute liga gaur. Ohorezko kadeteek goizeko 10:45etan jokatuko dute Karla Lekuonan, Oiartzunen kontra. Eta lehenengo mailako jubenilek, aldiz, Beti Ona bisitatuko du, 16:00etan, Fanderian.