Urumeako Kronika

Kronika logotipoa

Igandea2019ko iralak 15

Astigarraga Hernani

2019/08/16, ostirala

Errekorra Jaime Romeroren taldeak, Frankfurteko mundialean

Jaime Romero Frankfurten, taldekideekin. Argazkia: Federazioa.
Jaime Romero Frankfurten, taldekideekin. Argazkia: Federazioa.

Romeroren laukoteak ezin izan du Munduko Txapelketako finalean egon, sailkapenetik minutu eta erdira geratuta. Hamabigarren izan dira.

Frankfurten dabil egunotan Jaime Romero astigartarra Pistako Munduko Txapelketa jokatzen. Espainiako Selekzio­a­k deituta joan da, eta nahiz eta ez den finalean izango, emaitza onak lortu ditu.

Hain zuzen, junior mailako pertsekuzio-taldearekin ukitu du gailurra Romero astigartarrak Munduko Txapel­ketan, Raul Garcia, Javier Se­rra­no eta Alberto Perezekin ba­tera. 

4.11.914ko erregistroarekin, Espainiako errekorra lortu dute. Emaitza horri esker, ha­mabigarren izan da laukotea. 

Finalean, ordea, ezin izan dute sartu; minutu eta erdira geratu dira, hain zuzen.


Rodriguez eta Semperena gaur, Les Rondes Vallesen

Gainontzeko txirrindulariak ere, errepideetan barrena da­biltza udaran zehar ere. Ho­rien artean dira Ibai Ro­dri­guez hernaniarra eta Telmo Sem­pe­rena astigartarra. Gaur­tik aurrera, Alex Fernan­dez do­nostiarrarekin batera, Donosti Berri taldearekin, Bazpi taldeko Asier Pozorekin eta Gi­puzkoako selekzioko beste hainbatekin, Les Rondes Va­lles proban hartuko dute parte.

Txirrindulari hernaniarra eta astigartarra Frantziako Bretainian barrena ibiliko dira, etapaka jokatuko duten proba ezagun honetan.