Aurten Donostiako Klasika berrikuntza batzuekin dator, eta horiek eragin zuzena izango dute Astigarragan. Horren berri emateko, bilerara deitu du bihar Mundarrok, 19:00etan udaletxeko Areto Nagusian. Izan ere, lasterketak zeharkatuko dituen bidegurutzeen zaintza eraman behar du Mundarrok, eta jendearen laguntza eskatu du. Bileran formulario bat bete beharko da. Bi lasterketa izango dira aurten, Klasikan; goizeko 09:30etan hasita neskena, eta 13:00etan mutilena.