Beste urte batez, Iker Ruizen Oroimenezko saskibaloi txapelketa jokatuko dute uztailaren 27an, 10:00etan hasita, Astigarragako kiroldegian. Eta izenematea zabalik dago, hilaren 26ra arte. Horretarako, 24 euroko ingresoa egin behar da, kontu korronte honetan: 3035 0214 34 2140019016 (Laboral Kutxa), taldearen izena jarrita. Eta ondoren, emailez bidali behar dira taldearen izena, maila, jokalarien izenak eta adinak, eta ordainketaren agiria, helbide honetara: astigarraga3x3@gmail.com. 18 urtetik beherakoek ez dute ordaindu behar, baina izena eman behar dute, aldez aurretik. Informazio gehiago, astigarraga3x3.blogspot.com web orrian.