Urumeako Kronika

Kronika logotipoa

Astelehena2019ko uztailak 15

Astigarraga

2019/06/28, ostirala

«Herrian sekulako ilusioa dago, eta badaukagu irabazteko aukera»

Entrenamendu saioa egin zuten asteazkenean, Atano III frontoian, finaleko protagonista astigartarrek.
Entrenamendu saioa egin zuten asteazkenean, Atano III frontoian, finaleko protagonista astigartarrek.

Herriarteko Txapelketaren finala jokatuko du Astigarragak bihar, 16:30etan Donostiako Atano III frontoian, Azpeitiaren kontra. Sarrerak salgai daude, Ikatza, Txiki eta Sagartxo tabernetan.

Ez da nolanahiko eguna bihar­koa, Astigarragarentzat: esku pelotako Herriarteko Txapel­ke­taren finala jokatuko dute, Donostiako Atano III frontoian, Azpeitiaren kontra. Arratsal­de­ko 16:30etan hasiko dira par­ti­duak, ohiko ordenean: kadete­e­na aurrena, jubenilena ondo­ren, eta nagusiena azkenik.

Azpeitia aurreko lau urte­e­tako txapeldun izanagatik ere, irabazteko aukera ikusten du­te astigartarrek, Jokin Santxezen hitzetan: «kadeteetan erdi eta erdi daude aukerak; eta gau­zak ondo eginez gero, partidua aurrera atera dezakete Eñaut eta Ekain Lizeagak. Egiguren eta Elosegi azpeitiarrak oso onak dira, baina gureak ere bai. Partidu hori klabea da gure­tzat, oso garrantzitsua, jakinda ju­be­niletan dau­ka­gu­la zailena», dio senior mailako atzelariak.

Aimar Mujikak eta Ganix Urdangarinek jokatuko dute bi­garren partidu horretan, Al­ber­di eta Larrañagaren kon­tra. Eta Mujikak berak onartu du, «oso zaila» daukatela. «Baina edozer gerta daiteke», gaine­ra­tu du Santxezek: «kantxara ate­­ratzean, jokatu egin behar da, eta ea zer gertatzen den».


Nagusien partiduan, dena jokoan?

Litekeena da, nagusien maila­ko partiduan dena jokoan ego­tea. Hala uste du Mujikak: «ka­deteetan gu gara faborito, eta jubeniletan haiek. Nagusiena borrokatua izan daiteke, eta be­raz, badauzkagu aukerak, txapeldun izateko».

Oso parekatua ikusten du nagusien partidua ere, Jokin San­txezek berak. Hodei Expo­si­to eta biak ariko dira, Ape­ze­txea eta Murgiondoren kon­tra: «oso ondo ezagutzen ditugu. Nik bi-hiru urtez jokatu dut Apezetxearekin batera, Amez­ke­tan; eta Murgiondoren kon­tra makina bat aldiz joka­tu­ta­koa naiz. Hala ere, ezagutu bai, baina gero, egun guztiak ezberdinak izaten dira... Ea zor­te pixka bat daukagun, eta ondo jokatuta partidua irabaz­ten dugun». 


Duela hiru urteko «arantza txikia» ateratzea, asmoa

Hain justu, Azpeitiaren kontra jokatu zuen orain arteko final bakarra, Astigarragak, duela hiru urte: «ea oraingoan ate­ra­tzen dugun arantza txiki hori. Orduan, jubenilena 20-22 eta na­gusiena 19-22 galdu geni­tuen, oso gutxigatik, eta pena ge­ratu zitzaigun, baina gusto­ra geratu ginen egindako la­na­­rekin. Ea oraingoan ere lor­tzen dugun hori, gustora geratzea, emaitza edozein dela ere», dio Jokin Santxezek.

Azpeitiaren indarra nabar­men­du du astigar­ta­rrak: «tal­de sendoa dira. Pal­ma­­resa begi­ra­tu besterik ez dago; azke­ne­ko lau txapelak lortu dituzte, eta hori ez da lor­tzen talderik gabe. Klub be­za­la, gauzak ondo egiten dituzte, eta horrek bere fruituak ematen ditu».


Sarrerak salgai, Ikatzan, Txikin eta Sagartxon

Santxezek berak adierazi du, «ilusioa» nabari dela herrian: «herrian sekulako ilusioa dago. Azpeitian ere hala izango da, baina gure kasuan, historiako bigarren finala besterik ez da. Uste dut astigartar asko joan­go direla frontoira».

Horretarako, sarrerak sal­gai daude, Astigarragan ber­tan, hiru tabernatan: Ikatzan, Txi­kin eta Sagartxon. Kan­txa­ko aul­kiak 10 euro dira, eta au­rre­neko solairukoak, 5 euro.

Eta hiru horietan eman dai­teke izena, baita ere, finalaren ondorengo afarirako. Petrite­gin izango da, irabazi edo galdu, lortutakoa ospatzeko.