Maila guztietako txirrindulariek hasi dituzte errepideko lasterketak. Emaitzarik onena Aimar Capdequik, Hernanin, lortu zuen hirugarren postuarekin alebin mailan. Beñat Auzmendik hamairugarren iritsi zen, eta lasterketa amaitu zuten Unai Hernández, Mattin Plazaola, Ekhi Rabanedo eta Harri Garciak.
Infantiletan, hurrenez hurren, Aimar Olasagasti 15garren izan zen eta Tasio Semperena 16garren.
Adin nagusiagoetan, 23 urtez azpikoetan, Aiztondo Klasika lasterketa entzutestua korritu zen izen berdineko bailaran. Adunan amaitu zen, baina Urko Semperenak ezin izan zuen bukatu. 100garren kilometroan erretiratu zen hotza eta euriagatik asko sufritu ondoren.
Juniorretan Enekoitz Azparrenek garaipena gertu izan zuen Gorlako igoeran, baina azkenean bigarren geratu zen podiumera igoz. Hurrengo egunean, Altsasun, seigarren iritsi zen. Telmo Semperena 15garren eta 16garren izan zen bi lasterketa horietan.
Laukiz eta Estellan 23 urtez azpikoak
Asteburu honetan ere, denek izango dute zer jokatua. Alebin eta infantilak Zarautzen izango dira gaur, eta Elite mailakoak eta 23 azpikoak, aldiz, bi lasterketa izango dituzte. Gaur Bizkaian barrena ibiliko dira eta Laukizen amaituko da eta bihar, Lizarrako lasterketa korrituko da.
Junior mailakoek zita bakarra dute asteburu honetan. Monteagudoko errepideetan barrena amaituko dute lasterketa.